Categories
Դեզինֆեկցիա և դեռատիզացիս
Ֆինիշ ֆլայ 400գր
SKU : 02279
ԸՆԴՀԱՆՈՒՐ ԲՆՈՒԹԱԳԻՐ
Միջոցի 1 գ-ը պարունակում է իմիդակլոպրիդ՝ 20 մգ, ինչպես նաև օժանդակ նյութեր։ Բարձր արդյունավետությունը պայմանավորված է գործող նյութի բարձր խտությամբ։ Միջոցը տնտեսող է և թույլ է տալիս մշակել ավելի մեծ մակերես՝ համեմատած որոշ համանման միջոցների հետ։ Ապահովում է արդյունավետության և կիրառման ծախսերի օպտիմալ համադրություն։
ԱԶԴԵՑՈՒԹՅԱՆ ՄԵԽԱՆԻԶՄ
Միջոցի բաղադրության մեջ ներառված իմիդակլոպրիդը նեոնիկոտինոիդների խմբի միջատասպան է, որն ազդում է միջատների կենտրոնական նյարդային համակարգի վրա՝ խաթարելով նյարդային ազդակների փոխանցումը։ Արդյունքում առաջանում են կաթվածահարություն և ցնցումներ, որոնք հանգեցնում են միջատների մահվան։ Որպես գրավիչ նյութ օգտագործվող ճանճերի սեռական ֆերոմոնը՝ Z-9-տրիկոզենը (մուսկամոն), նպաստում է միջատների ներգրավմանը դեպի խայծը կամ միջատասպան նյութով մշակված մակերեսը։ Սախարոզը նպաստում է ճանճերի կողմից խայծի ակտիվ կլանմանը։
ԿԻՐԱՌՄԱՆ ՑՈՒՑՈՒՄՆԵՐ
«ՖԻՆԻՇ ՖԼԱՅ»-ը կիրառվում է անասնապահական տարածքների և անասնաբուժական վերահսկողության այլ օբյեկտների միջատազերծման համար։ Այն կարող է օգտագործվել բուծական տնտեսություններում, այգիներում, արդյունաբերական և վարչական տարածքներում, բնակելի տներում և այլ օբյեկտներում։ Միջոցով մշակվում են փակ տարածքներում ճանճերի կուտակման վայրերը։ Միջատների բազմացման վայրերը չեն ենթարկվում մշակման, քանի որ միջոցը ազդում է միայն հասուն միջատների վրա։
ՄԻՋԱՏԱՍՊԱՆ ԱԶԴԵՑՈՒԹՅԱՆ ՏԵՎՈՂՈՒԹՅՈՒՆ՝ մինչև 4 շաբաթ։
Do you have an opinion about this product?
Rate this product and write your review