Դեզինֆեկցիա և դեռատիզացիս

Կպչունացուցիչ «Պանեմ»-ը նպաստում է պատրաստուկի ավելի ամուր կպչմանը տերևներին և վնասատուների մարմնի մակերեսին, ակտիվ նյութի ավելի լավ ներթափանցմանը միջատների օրգանիզմ և տերևային հյուսվածքներ, ինչպես նաև նվազեցնում է տերևներից լուծույթի հոսելու և շոգ եղանակին գոլորշիանալու հետևանքով առաջացող կորուստները։

Ցողումից հետո պատրաստուկը երկար ժամանակ պաշտպանում է կարտոֆիլը և այլ մշակաբույսերը, այդ թվում՝ անձրևի և ցողի հետևանքով պատրաստուկի լվացվելու նվազագույն կորստի շնորհիվ։

ԿԻՐԱՌՄԱՆ ԵՂԱՆԱԿ

ԿՈՐԱԴՈ + ՊԱՆԷՄ ԱՇԽԱՏԱՆՔԱՅԻՆ ԼՈՒԾՈՒՅԹԻ ՊԱՏՐԱՍՏՈՒՄ՝ դույլի մեջ լցնել 1 լ ջուր, բացել ամպուլը, չափել «Կորադո» պատրաստուկի անհրաժեշտ քանակությունը՝ համաձայն կիրառման նորմայի, լցնել դույլի մեջ և մանրակրկիտ խառնել։ Այնուհետև ավելացնել «Պանէմ» պատրաստուկի անհրաժեշտ քանակությունը՝ 2 մլ՝ 4 լ ջրի հաշվով, և կրկին մանրակրկիտ խառնել։ Լուծույթն ուժեղ փրփրում է, ուստի պատրաստման համար տարա ընտրելիս անհրաժեշտ է հաշվի առնել դա։ Այնուհետև ավելացնել անհրաժեշտ քանակությամբ ջուր՝ մինչև պահանջվող ծավալը, և ևս մեկ անգամ մանրակրկիտ խառնել։

Բույսերը ցողել թարմ պատրաստված «Կորադո + Պանէմ» լուծույթով՝ չոր և անքամի եղանակին, ցանկալի է առավոտյան՝ մինչև ժամը 10:00-ը, կամ երեկոյան՝ ժամը 18:00–22:00-ն ընկած ժամանակահատվածում։ Տերևները պետք է հավասարաչափ թրջել։ Մշակումն իրականացնել անձրևից առնվազն 4–6 ժամ առաջ։ Մշակման ժամանակ օդի օպտիմալ ջերմաստիճանը +12-ից մինչև +25 °C է։ Խուսափել լուծույթի՝ հարակից մշակաբույսերի վրա ընկնելուց։

ԿԻՐԱՌՄԱՆ ՆՈՐՄԵՐ

Կարտոֆիլ՝ վնասակար օբյեկտ՝ կարտոֆիլի 28-կետավոր զատիկ և կոլորադյան բզեզ։ Կիրառել վեգետացիայի շրջանում՝ ցողման եղանակով։ Աշխատանքային հեղուկի ծախսը՝ մինչև 4 լ/100 մ²։ Կիրառման նորման՝ 1 մլ/4 լ ջրի հաշվով՝ մինչև 100 մ² տարածքի համար։ Սպասման ժամկետը՝ 20 օր, մշակումների առավելագույն քանակը՝ 1 անգամ։

Խնձորենի՝ վնասակար օբյեկտ՝ լվիճներ։ Կիրառել վեգետացիայի շրջանում՝ ցողման եղանակով։ Աշխատանքային հեղուկի ծախսը՝ մինչև 5 լ մեկ ծառի հաշվով։ Կիրառման նորման՝ 1 մլ/2–4 լ ջրի հաշվով։

Սոխ՝ բացառությամբ կանաչ սոխի՝ վնասակար օբյեկտ՝ սոխի ճանճ։ Սոխի սերմացուն մշակել տնկելուց առաջ՝ ցողման եղանակով։ Աշխատանքային լուծույթի ծախսը՝ 0,2 լ՝ 10 կգ սերմացուի հաշվով։ Կիրառման նորման՝ 15 մլ/0,2 լ ջրի հաշվով։ Սպասման ժամկետը՝ 20 օր, մշակումների առավելագույն քանակը՝ 1 անգամ։ Սոխի վեգետացիայի շրջանում մշակել 3–4 իսկական տերևների փուլում՝ ցողման եղանակով։ Աշխատանքային լուծույթի ծախսը՝ 1 լ/100 մ²։ Կիրառման նորման՝ 2 մլ/2 լ ջրի հաշվով։

Գազար՝ վնասակար օբյեկտ՝ գազարի ճանճ։ Կիրառել վեգետացիայի շրջանում՝ 2–4 իսկական տերևների փուլում՝ ցողման եղանակով։ Երկրորդ մշակումը կատարել 20 օր անց։ Աշխատանքային լուծույթի ծախսը՝ 1 լ/100 մ²։ Կիրառման նորման՝ 2 մլ/2 լ ջրի հաշվով։ Սպասման ժամկետը՝ 20 օր, մշակումների առավելագույն քանակը՝ 2 անգամ։

ԱՇԽԱՏԱՆՔԻ ՎԵՐՍԿՍՄԱՆ ԺԱՄԿԵՏ՝ բաց գրունտում ձեռքի աշխատանքների համար մշակված տարածք մուտք գործել թույլատրվում է 3 օր անց։